Дукха ахча лочкъадир Гӏалгӏайчен вахархочунгара мичахьара я ца ховча кхалсага
Китай мехкара болх лоаттабеш я ше, аьнна, тийшача балхах Гӏалгӏайчен вахархо ӏехаваь миллион гаргга сом ахча дихьад зуламхочо. Из хоам «Сердало» газетага бир республикан МВД.
«Полице вера республикан вахархо, цо хоам бир карарча шера, саькура бетта Дунен тӏа яхаш я со, аьнна, ше хьайовзийтача цхьан кхалсага интернет-даькъ тӏа болх лоаттабергба аьлар, хӏаьта цох тийшар маӏа саг, из раьза хилар зуламхочо яхар де. Цхьаккха хӏамах дегабуам а ца беш, цо дӏаделар USDT криптовалюта. Юкъара хьаийцача цо доадир 922 436 сом», - аьлар боакъонаш лораяра боахаме.
Цу зулама ларах уголовни гӏулакх хьадийллад, из кхалсаг лахара.
Полице аргӏанара кхайкарал ду вай бахархошка, цох тара йола моттиг шоашта нийсъелча сакхетаме хила. Малашб ца ховча нахах тийша шоай ахча, хоамаш дӏа ма ле.
