ГӀалгӀай къаман
юкъара газет

Кердадараш

50 эзар гаргга саг лорашка чакхваьлар, дIа-юха лела ФАПаш хиларах

ГIалгIай мехка 2023 шера 47 611 саг, цу юкъе боккхий нахи бераши долаш, лорашка чакхбаьлар, шоай могашал тоаяр духьа, дIа-юха лелаш йола лорий комплексаш хилар бахьан долаш. Уж ийцаяр «УнахцIено» яхача Россе Президента хьаллаьцача къаман проектага гIолла, яхаш, дийцар «Сердало» газетага ГIалгIайчен кулгалхочун зарбан болх лелабераша.

Ер шу дIадоладелча денз, уж комплексаш яха хиннай 1 164-зза нах бахача юрташка, лазар дий хьожаш уж чакхбаха ловш, царех 496 сага лораша лазар гучадаьккхар, иштта 2052 саг лорий тIахьожам бергболаш дIаязвир. Махьмуд-Iаьлас белгалдир, хьалхара лорий-санитарни гIо дара болх дегIабоалабара чIоагIа теркам бу; цу юкъе да больницаш, ФАПаш, амбулатореш юрташка хьалъяр.

Цо иштта белгалдир, лорий комплексаша керда таронаш хьаеллаш хилар, ма хулла дукхагIча наьха лорашка чакхбала йиш хургйолаш, къаьстта гаьнарча юрташка баха боккхий нах чакхбахара дика таронаш я уж. Из дика накъадоал, болх беш болча наха.

Керда комплекс цу тайпара болх беш хилар бахьан долаш, моттигера дукха бахархой шоай могашал тоае йиш йолаш а лорашка чакхбала таро йолаш а хилар. ГIалгIай Республикан унахцIенон министерствос яхачох, дIа-юха лелаш йола лорий комплексаш тайп-тайпара лорий гIирс чулатташ я, цу юкъе я ИВЛ, кардиографаш, дIа-юха лелаш йола лаборатореш.

Цо таро лу унахошта тайп-тайпарча даькъош тIа бе-бе лазараш гучадаха: цIийоацар оала во лазар, из лазар хьахьоадеш дола бахьанаш, шекар лакха хилар, дега хула лазараш, сага цIий лакхлуш хилар, кхыдараш. Лорий комплексаш хиларах, наьха аьттув ба цамагар хьакхеталехь цунна духьале е, диспансеризаци, вакцинаци е, хIетта дIадолалуш дола лазар гучадаккха. Иштта лораша тайп-тайпара кхетаченаш дIахьу, цу юкъе «Онкопатруль», «Дега шоатта ди», «Могашала цIермашен» я, из болх дIахьош хиларах, дукха лазараш гучадаьхад.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде