«Шахьара моттигаш тоаярах йолча къаман проектага гӀолла дукха урамаш, паркаш, аллеяш, наха салоӀа ха йоаккхаш йола кхыйола моттигаш тоаеш латт вайцига. Цу балхо кердача, хозача куца тӀа доаладу шахьара гӀулакх. Цу мугӀарера боккха болх дӀабахьа лерхӀ Наьсаре, МагӀалбике, Илдарха - ГӀалий тӀа, Шолжа-Шахьаре, иштта респбликерча юрташка а», - дийцар тхога министерствон болхлоша.

Цу тайпара дӀахьоча балхо дикка аттача доаккх бахархой хьал, арабаьнна салаӀа, саготалла болабала лаьрххӀа тоаяь латташ хоза моттигаш хилча, наьха дега хьал а кхыча тайпара хул.