ГӀалгӀай къаман
юкъара газет

Кердадараш

«Йоккха таж» яхача турнире дакъа лоацаргда вай олимпийски чемпиона

Узбекистане хургйолча «Йоккха таж» яхача яхье дакъа лоацаш хургва вай олимпийски чемпион Халмарзанаькъан Хьасан. Из хоам «Сердало» газетага бир спорта гӀулакхех йолча министерствон болхлоша.

«Укх бетта хьалхарча дийнахьа дӀайолаенна 3-ча денга кхаччалца, Ташкенте дӀахьоргйолча яхье майдилг яккхара тӀехьа къахьегаш хургва вай лакха начӀал дола дзюдоист Халмарзанаькъан Хьасан (81 кг). Кховзткъа ялх паччахьалкхен 420 дзюдоист гуллургва цу моттиге», - йоах тхогарча хоамо. 81 кийладозал долчарна юкъе эггара низ болашагӀа вар малав хьажа болалургба спортсменаш яхьий 2-ча дийнахьа. 

«Матч!  Боец» яхача канале гӀолла, хӀара дийнахьа кхоъ даьлча хьахьокхаш хургья яхьаш. Цул совгӀа, низа  эггара чӀоагӀагӀа бола дзюдоисташ бовза йиш хургья  judotv.com яхача сайтага гӀолла.

Хьайна хетар эрсий меттала язде йиш йолаш оагӀув а ба цига. Белгалде деза, дзюдо эггара хозагӀа лоархӀаш, массанена дукха безаш бола спорта оагӀув болга.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде