Олимпийски чемпион Халмарзанаькъан Хьасана, дзюдо фестиваль йолаш, говзанч-хьехам белар
14.10.2023 23:55
Соче йистеяьлар дзюдо оалача спортах дӀахьош хинна фестиваль, из дӀайихьар «Сириуса» федеральни доазон тӀа. Цу фестивале говзанч-хьехам белар цӀихезача гӀалгӀай спортсмена, Олимпийски чемпиона Халмарзанаькъан Хьасана. Из фестиваль хьалхара дӀахьош яр цу тайпарча гIулакха исторе.
«Фестивала программа хоза кийчъяьяр. Къона дзюдоисташ бар цига Россе массе миӀингашкара баьхка; шоай даьшца, ноаношца. Цар таро хилар шоайла дӀа-юха бовзар меттел, шоай физически кеп тоае, цул совгӀа «кӀаьдача наькъа» бокъонаш Ӏомае.
Говзанч-хьехам дӀабихьар йиӀигашта, кӀаьнкашта лаьрхӀа цӀихезача спортсменаша, цу юкъе Халмарзанаькъан Хьасана а вар, цар гойтар шоай дикагӀа йола спорта говзал»,-аьлар «Сердало» газетага вай спорта министерстве.
«Сириусе» дӀайихьача фестивало дакъа лоацаш 400 совгӀа саг вар. Цу тайпара яхьаш дӀаяхьара керттера маIан дар, Россе къонача спортсмений говзал дегӀайоалаяр.
