Наьсаре юкъара транспорт сецаш йолча моттигах, нувхий гув хиннаб
17.11.2023 16:36
Наьсарен-Шахьара администраце ший болх хьабеш цахиларах, из дӀатӀаийцар ГӀалгӀайчен Халкъа фронто, цо доал деча даькъ тӀарча Ӏаьдалгара хьадийхар Базорканаькъан Идриса цӀерагӀча проспекта тIа юкъара транспорт сецаш йолча моттиге сихонца лостам бар. Из дукха нах лела моттиг я, ма дарра аьлча, боккъонца йола кхалаж хьаяьй цига.
«Наьсарен бахархой тхога латкъа баьхка хилар, Базорканаькъан Идриса цӀерагӀча проспекта тIа 80-ча цIен юхе латташ йола транспорт сеца моттиг бӀеха хилара.
Халкъа фронта эксперташа рейд дӀайихьача, цига из сурт долаш дар, еррига нувхаш Ӏокхийса, цхьа боккъонцахьа йола нувхий аре хьаяьяр. Тхоаш цига дахачул тӀехьагӀа, оаха Наьсарен-Шахьара администрацега хоам бир, уж тӀа а хьехаш, цига лостам бара», - аьлар «Сердало» газетага ГӀалгӀайчен Халкъа фронто.
