Чарахьашта хьалхадаьккхар, атта зувргдола барзкъа леладе дезилга
17.10.2023 10:14
Паччахьалкхен чарахьала тӀахьожам лоаттабераша семинар дӀайихьар, цига болхлошта довзийтар цхьадола декхараш, чарахьал дарца ювзаенна бокъонаш, юкъедоаладаь кердадараш. Масала, герзаца чарахьал деча хана лаьрххӀа бола, аттагӀа зувргбола гӀирс тӀабувха безаш хилар. Цунах дийцар республикан Ӏалама министерстве.
«Цхьанкхийтта дӀахьош долча чарахьала бокъонаша йоах, лаьрххӀа хоам беш бола гӀирс тӀабувхаш хила беза, уж я 1ажагӀа къоанзолгаш. Цар таро хулийт, хало йоацаш, баьдеча а иштта сийрдача а нах бӀаргаго», - аьлар Ӏалам лорадераша.
Цул совгӀа, гулбеннараша иштта дийцар чарахьал деча нийслуш дола кхоачамбоацараш, цу юкъе белгалдир чарахьал дара таронаш лораяра де дезар.
