ГӀалгӀай къаман
юкъара газет

Кердадараш

Республикера хьу тедаргйоацаш, къамаьл дир парламента доакъашхочо

Мехкара хьу тедара бокъо ехкар юкъедоаладергдолаш, къамаьл дир вай парламента викало. Хьу ца тедийтара бахьан - Ӏалама хулаш дола доккха зе. Халкъа Гулламе дӀадихьача «Паччахьалкхен сахьата» юкъе, Ӏалама гӀулакхах йолча министерствон кулгал деча Хьулахой Саварбика йоккха терко йир цу деша. Ӏалама гӀулакха тӀахьожам бераша яхачох, 84, 2 эзар гектар доазув дӀалаьцад хьуно. Из хоам «Сердало» газетага бир Халкъа Гуллама зарбан болх лелабераша.

«Федераце Совета сенатор волча Хамченаькъан Билана лаьрххӀа комисси оттаяь, депутаташца, паччхьалкхен викалашца федеральни оагӀонга гӀолла дашха деза аьлар из дош», - йоах тхогарча хоамо. Ӏалама гӀулакхах йолча министерствон кулгалхочо дийцар, ООО «Экосистема» яхача оагӀонцара бувзам хоадабеш арбитражни суде лоткъама каьхат чуденнад шоаш, аьнна. Бахьан - цо ший декхараш боаггӀача боараме кхоачашдеш цахилар. Йоккхача Ачалкхерча доазон тӀа хьаелла лаьрхӀад ТКО майда. Цу гӀулакха эшача лаьттан кхоачама хьал тохкаш бола болх йистебаьннаб цига. Цу балхах лаьца къамаьл деш, кхетаче дӀайихьай Юкъерча Ачалкхерча бахархошца, депутаташца, юкъара болх берашца.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде