ИнгГУ хьехархочо ший балха говзал лакхйир Германе
Гӏалгӏай паччахьалкхен университета хьехархочо Хазанаькъан Мадинас немций мотт хьехара говзал лакхйир лаьрххӏа йолча программах, яхаш, дийцар «Сердало» газетага ИнгГУ.
«Дешара программа дӏахьош яр немций кхаь шахьаре. Аьтинга бетта 14-ча денгара 20 денга кхаччалца, Гуржий, Финлянде, Дане, Марокко, Шри-Ланка, Россе мехкара баьхка хьехархой тайп-тайпара декхараш кхоачашдеш хилар, немций метта лоархӏаме хувцамаш юкъедоахаш, иштта Къилбаседа Германе культура, географи ӏомаеш. Цу кхетачено таро елар, доакъашхошта юкъера балха говзал дӏа-хьа эца, шоайла бовза», - аьлар дешара моттиге.
Хазанаькъан Мадинас яхачох, Гамбург, Любек, Хузум яхача шахьарашка болаш цар таро хилар моттигерча бахархошца къамаьл де.
«Из дика таро яр кхыча мехкара баьхкача нахаца къамаьл дара, немций мотт хьехара балха говзал шоайла екъара, Германе Къилбаседа даькъ тӏара культуран оагӏув йовзара. Цига таро хилар дукха хӏама бӏаргаго, шоайла балха говзал екъа, пайда баргболча нахаца бувзам хотта», - аьлар дешара моттиге.
Хазанаькъан Мадинас яхачох, Гамбург, Любек, Хузум шахьарашка уж болаш; царна байзар моттигера бахархой, цар вахара хьисап.
«Из дика таро яр кхыча мехка бахаш болча балха новкъосташца цхьана ха дӏаяхьа, шоашта ховр царца декъа», - аьлар хьехархочо.
Цу тайпара программаш хиларо новкъостал ду лоархӏаме хувцамаш дешара юкъедаха, немций мотт хьехара дикал лакхъе. Цунца цхьана хьехархой ӏомалу шоай балха мах оттабе, чӏоагӏагӏа йола оагӏонаш белгалъе, хьехархой балха говзал лакхъе.
