ГӀалгӀай къаман
юкъара газет

Кердадараш

«Кхетам балара даькъе хьехархочун лоӀам» яхача яхье котъяьлар вай мехкахо

Нохчий Республикан столице хилар, «Кхетам балара даькъе хьехархочун лоӀам» яха мехкашта юкъера, 20 шу даланза долча барашта кхетам баларах бола Ерригроссе болам.

Магас-Шахьара лицея-берий беша биологе хьехархочо Къоастой Зинаидас котало яьккхар, «Берашта, кагирхошта эхь-эзделах кхетам луча, Даьхенцара безам совбоаккхача даькъе дешара дикагӀа йола программа» оттаярах.

«Къоастой Зинаида начӀал дола къона хьехархо я, тайп-тайпарча яхьашка белгалъяьннай. Из «ГӀалгӀайчен шера хьехархо» яхача яхье котъяьлар 2020 шера, иштта «ХХӀ бӀаьшерен хьехархо» яхача республикан къонача хьехархой яхье котъяьлар из. Цул совгӀа, дӀадахача шера «Дешара корта. Ишкола» яхача Ерригроссе ахфиналага кхаьчар. Дукха ха йоацаш, вайцига дӀахьош хиннача Ерригроссе «Ӏилма ДНК» яхача хьехархой олимпиаде котъяьлар из», - аьлар «Сердало» газетага ГӀалгӀайчен дешара, Ӏилман министерствон зарбан болх лелабераша.

Шолжа-ГӀалий тӀа дӀахьош хиннача яхье дакъа лаца яхалехь, Къоастой Зинаидас вайцига дукха коталонаш яьхаяр, цига а котало яккха гӀерташ, дакъа лоацаш вар 26 саг.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде