«Цу къовсамо дика таронаш елар хьехархошта, балха говзал дӀа-юха эца. Сона байзар Нохчашкахьа, Селий мехка, ГӀаьбартой-Балкхаре, Къарший-Черсий, Ставропола, АьдагӀий ишколашка дукхача шерашка денз къахьегаш хьабоагӀа хьехархой. Из, чӀоагӀа дицлургдоацаш, хоттаденна къамаьл дар, хӀана аьлча тхона, къаьстта наьна метта хьехархошта, хьаэца хӀама хул цу юкъе, тхоайла Ӏомалу. Цу тайпарча кхетачера, кердача уйлаех визе юхаверз, сихагӀа хьай дешархошта из ганз дӀаяла безам болаш», - аьлар «Сердало» газетага Дибаранаькъан Хаде. Цо ишколе гӀалгӀай мотт, литература хьеха 20 совгӀа шу да, ший дешархошта, хьамсара наьна мотт безаболийташ къахьегарех я из. Из я ГӀалгӀайчен цӀихеза хьехархо, йоазанхочун говзал йола саг.