Вайцигара пенсионераш дакъа лоацаш ба, ахча леладе харца ювзаеннача чемпионате
16.10.2023 14:08
ГӀалгӀайчен ветераний цӀагӀа салоӀаш болча, ха яьннача къоаноша цӀаькха а хьагойтар, кагирхошта нийсса сакхетам болаш шоаш хилар, пенсионерашта юкъе дӀахьош йолча шоллагӀча Ерригроссе моттигерча чемпионате доакъа лоацаш хилар уж. 40 саг гаргга ловш хилар цига дакъа лаца, цу юкъе дикагӀа белгалбоалаш хилар Наьсарен кхален, Наьсарен-Шахьара бахархой.
«Яхьаш шин даькъах латташ яр. Уж дӀайолалуш, Россе Банка гӀалгӀай отделене эксперташа дийцар таханарча дено дӀадеххача беса ахчанцара хьалаш, кхыйола продукташ лелаярах, белгалдир малагӀа хьалаш царех эшаш да дукхагӀа, пенсионерашта ховргдолаш малагӀаш нийса да, малагӀаш нах Ӏехабеш да.
Къовсама доакъашхой жоп дала дезаш бар 40 хаттара.
Цига котваьннар онлайн-хьисапе федеральни чемпионате ГӀалгӀайчен цIерагIа дакъа лаца дезаш ва», - аьлар «Сердало» газетага вайцига уж яхьаш вӀашагӀъехкараша.
Белгалдоаккх, шоллагӀа Ерригроссе ахча леладе хара йола чемпионат пенсионерашта юкъе дӀайихьар Россе Банка гӀалгӀай отделене, ахча леладе хара йолча моттигерча Центро.
