ГӏалгӀайчен дикка ха яхача кхалсага пенси меттаоттадир судага гӀолла
18.11.2025 14:13
Магасе прокуратуро новкъостал дир 70 шу даьннача кхалсага пенси меттаоттадеш. Кулгалхоша, шеко йолаш хиларах, цкъа хьалхагӀа тӀера ахча Ӏодаьккха, цул тӀехьагӀа дӏасоцадаь хиннад. Из «Сердало» газетага дийцар тӀахьожама болхлоша.
«Пенси соцадар нийсделар балха алапех дола хоамаш нийса цахиларах 1989-1993 шерашка, хӀаьта 2024 шера лайчилла бетта денз, из вӀалла хьа ца луш сецар», - аьлар хоамо.
Прокуратуро чуделар из гӀулакх суде, цо декхарийла бир соцадаь латта ахча ше хиннача боараме хьадала. Кхалсага ший деррига ахча хьаийцар - 316 эзар сом, тӀакхеташ дар а долаш.
