«Шахьарера моттигаш цIенъе, кулг тоха арабовргба ерригача болх-моттигашкара къахьегамхой, студенташ, ишколашкара дешархой, тикашка, кхыйолча моттигашка болх беш бараш. Цу беркатеча гIулакха юкъе дакъа лаца кийча хила веза вайх хIаравар.

Шахьарера урамаш, сквераш, паркаш, наькъаш цIена хиларо, вай массане дегашта боккха тоам бу. Иштта хоза лостам баь латтача шахьара урамашка гIолла, гIаш араваьле лела догдоагIаш хул. ЦIена хIама хоза да! Из гIулакх лорадеш, шоатта дIахьоча дийнахьа, бартаца, безамца цхьана арадовла деза вай, из хIаранега кхоачаш дола гIулакх долга кхета а деш», — дийцар тха газетага шахьарерча администрацен болхлоша.

Хьалха денз вай къаман юкъе лорадаьча Iадатах, шоатта дIахьоргда моттигерча ерригача юрташка, шахьарашка.