ГIалгIайчен дIа-юха лелаш болча лораша наха гIо ду
18 передвижных медицинских пунктов Ингушетии в 2023 году совершили более 90 выездов, информировали газету «Сердало» в пресс-службе кабмина региона.
«УнахцIено» яха къаман проект кхоачашъеш 2021 шера оагIой бетта республике болх бе йолаелар дIа-юха лелаш йола 18 лорий комплекс (ПМК), цу юкъера 16 дIа-юха лелаш йола лорий медпункташ я (ФАПаш), пехкашта кизга увттадеш йола цаI, кхалнаьха наькха кизга увттадеш йола цаI комплексаш я» , — аьлар ГIалгIай Республикан унахцIенон министра Балай Мухьмад- Башира.
Цо белгалдир, из деррига ийцар вай мехка унахцIенон Министерство хилар, халача моттигашка бахача наха лорий новкъостал дIакхачийтар духьа.
Сага эшаш дола хьалхара лорий новкъостал дара эшаш мел долчунца Iалашо шоашта чухь йолаш я дIа-юха лела лорий тоабаш. Лорий-санитарий хьалхара новкъостал царга дIакхачийтара деш да из. Цу тайпара наха деш долча лорий новкъостала мах баь варгвац, чIоагIа эшаш да из тахан наха лазарашта дарба дара.
