«РОССЕ ДОСААФ» ОО-ГО балха таронех дийцар ГIалгIайчен Парламенте
В комитете по местному самоуправлению, национальной политике, связям с общественностью и религиозными организациями Парламента Ингушетии обсудили перспективы деятельности, приоритетные вопросы Ингушского регионального отделения ОО-ГО «ДОСААФ РОССИИ», информировали газету «Сердало» в пресс-службе Парламента РИ.
«Цу совещане дакъалоацаш хилар республика Халкъа Гуллама депутаташ, автошколай кулгалхой, ГIалгIай Республике гIолла йолча МВД викалаш. Цар дийцар балха тоаба вIашагI а елла, цунна хьинар долча доакъашхоша ДОСААФ кердайоаккхаргйола цаI йола программа хьаярах, ший аргIах цо боахамашта юкъе пайдабахьаш бола бувзам лелабергболаш», — йоах хоамо.
УнахцIенонна комитета кулгалхочунна гIончас Олиганаькъан Бадрудина белгалдир цунна ЛоIамерча юкъарлонна лоархIам мелаб а, тахан Украине лаьрххIа йола тIема операци дIахьоча хана Россе эскара, авиацена, флота из мел эшаш да а.
«Къайле йолаш дац, региональни организаци тахан дикача хьале яц, дешара балха тIехь хьадоагIаш таханарча денга диллача кхыметтел коммунальни хьалех доагIаш дар Iаьдала дIадала а тоаш хилац. Цхьабакъда, оаха лерхI, «РОССЕ ДОСААФ» Iадаташка хьажжа керда, хIанзарча ханара балха боарам кагийбарашта юкъебоаккхаш хургъя аьнна, иштта цо Iаьдала органашца цхьана из болх дика дIахьоргбар аьнна. Шоай аргIах депутаташа хьаIейна хаттараш кхоачашдара новкъостал лоаттадергадар», — аьлар Къоастой Ахьмада.
Хьалхадоакх, из организаци болхбеш йола 80 совгIа шу да, цо кагийбарашта патриотически кхетам лу, иштта кийчбу тIема-учетни говзанчаш кагийбарашта юкъе. Къаьстта цо кийчбу С, Е, Д категоре водителаш, мехка Герзах дизача низай мугIарашка эшаш хуле а аьнна.
