Шоай хьехархой байзар студенташта
04.09.2023 16:37
Хьалхарча курсе деша багӀа паччахьалкхен университета историкаш, шоай хьехархой бовзаш хилар. Университетерча дешарах йолча проректора Лаьнанаькъан Светланас, дешарца уж даькъала бувцаш, къамаьл дир царга.
Дика дешаш, Ӏилман тохкама балха юкъе, культурни кхетаченашка дакъа лоацаш, шоай моттиг лораеш дӀабаха даькъалабийцар цо студенташ.
Кагирхоша шоай хаттараш телаш, дӀа-хьа бовзаш, хоза дӀаяхар из кхетаче. Дог гӀоздаьнна бола студенташ, дикка къахьега лаьрхӀа ба. Цу гӀулакха мел эшар университете долаш да.
