Палестинера 55 саг хьакхоачаргва ГӀалгӀайче
ГӀалгӀай мехка хьакхоачаргва Палестинера 55 саг, шоашта юкъе 34 бер а долаш, уж баха совцаргба «Асса» яхача гостинице. Царна мел эшаш дола хьалаш Ӏалашдаь хургда: дийнахьа кхозза буаш бола бӀайха кхача, вахаре эшаш дола кхыдар, - яхаш, дийцар «Сердало» газетага ГӀалгӀайчен Кулгалхочун зарбан болх лелабераша. «Аз декхар тӀадиллад Паччахьалкхенна, царна мел эшар Ӏалашде», - яха Мехкадаь дешаш белгалду хоамо.
Цул совгӀа, республика Кулгалхочо аьлар, царна лаьрхӀа психологаш оарцагӀбоахаргба. Геттара а лоархӀаме да берашта бӀаргадайна унзара сурт кӀеззига мукъагӀа царна аттача даккхар.
«Вай тешаш да, кастлуш цар хьамсарча мехка, уж баьхача лаьтта машар оттаргхиларах. ХӀанзарчоа воашта могаш дола новкъостал а вошал а дергда, хало тӀакхаьчача Палестинерча наха. Царех саг балха оттавара дола хаттар аз айса лаьрххӀа тӀахьожам беш хургда», - аьлар мехка Кулгалхочо.
