Ерригача Россе яхьашка, шоай говзал гойтаргья «Хьалхарбараша»
17.04.2024 10:12
Россе еррига миӀингаш чулоацаш йолча йоккхача яхьашка, шоай говзал дӀахьокхаргья вай мехкарча «Хьалхарчар Болам» яхача оагӀон доакъашхоша. Из хоам тха «Сердало» газетага бир республикерча кулгалхой аппарата зарбан болх лелабераша.
«Дуккхача кагирхоша цига дакъа лаца ловш каьхаташ чуденнад. Котало яьккхачунга хьеж 500 000 эзар сом ахча.
Хьалхарча мугӀаре шоай тоабаш дӀайовзийташ хургба кагирхой, цул тӀехьагӀа, вахаре геттара лоархӀаме дола дика гӀулакхаш гойтаргда цар. ТӀаккха цар дакъа лоацаргда доккхача боламашка»,- йоах тхогарча хоамо.
Хьалхарчар федеральни Совета доакъашхо волча Ӏумархьажанаькъан Саидагара, цига дакъа лаца бехаш, каьхат кхаьчад дешархошка. Иштта бола аьттув дӀабахийта йиш яц оаш, аьнна, хьалхадаьккхад цо дешархошта.
