«Единая Россия» кхадж тассара хьалхара болх мишта чакхбаьлар хьежар
Процедура стала более масштабной, чем пять лет назад. По предварительным данным, в ней приняли участие около 11,7 миллиона избирателей. Чуть более 6 миллионов — в режиме онлайн. В ряде регионов в число победителей вошли люди, которые ранее не участвовали в политической жизни, сообщил председатель федерального оргкомитета предварительного голосования «Единой России» сенатор Александр Карелин, выступая на брифинге в центральном исполкоме партии, сообщили газете «Сердало» в пресс-службе РИК ИРО ВПП «ЕДИНАЯ РОССИЯ».
Эксперта белгалдир дукхагIча даькъе харжархой кхадж тассара безам совбалар дувзаденна дар электронни кхадж тасса йиш хиларца. «Из хIанзарча ханара таронаш йола технологи я. Парте из кхы а дукхагIа дегIайоалае еза хьалххе а кхадж тассара балха тIехь хинна а ца Iеш, дIахо а моллагIа дола законо дIадехаш дола балхаш дувцара. Нах цу тIехь совбоалаш хургба», — аьнна тешаш ва Чеснаков Алексей.
«Единая Россия» парте харжархой хаттарашта сихха жоп а луш электронни оагIорахьа кхадж тассара болх дIабахьара таронаш хьайир, аьнна жоп делар (РАПК) политически консультанти Российски ассоциаце президент волча Куртов Алексея. Из тешаш ва дIахо а пандемия яха лазар юхадаьлча цу тайпара болх дIахьош аттагIа хургхиларах.
«Электронни ха наха юкъе дукхагIа яьнналга гуш да вайна. Наьха электронни кхадж тасса таро хиларца, уж раьза а хилар. Пандемия хIанз цу юкъе вIалла доагIаш а дац, хIана аьлча хьалхагIа санна кхадж тасса нах бахара новкъарле йолаш хIама а дац, мехка гIолла латта хьал хьаийцача а. Из чIоагIа атта да, миччахьа вале а цхьа кнопка IотIатоIаяь хьайна ловш волча сага оаз дIаялар», — аьлар цо.
«Эксперташа яхачох, хьалххе а эллектронни кхадж тассара болх дIабахьар кхераме доацаш а атта а хилар. Геттара чуийнна болх беча хана а юкъах ца буссаш серверашкара хьал чоалхане ца дерзаш паргIатта кхадж тасса йиш хилар, аьнна белгалдир «Крибрум», «Ашмановеи партнераши» компаней президента, искуственни интелекта говзанча волча Ашманов Игора. Цхьаккха акхоачамбоацараш хиланзар. Цул совгIа DDoS-тIехьар тIа баь низ а лайра», — аьнна белгалдир цо.
«Единая Россия» парте гIолла ГIалгIай парламенте болхача наьха спискаш хувцаяла а мегаш я, ахнел совгIа кIезигагIа а хургба уж, аьлар Калиматанаькъан Махьмуд-Iаьлас
«Эггара лоархIамегIа йола моттиг я: кхоачам болаш дукха вай къонабараш хилар, 60-негара 70% кхаччалца депутатий состав хувцалургъя. Парламенте а иштта хувцалургба, цу юкъе а кердабараш хургба», — аьлар Калиматанаькъан Махьмуд-Iаьлас. Цо белгалдир, праймериз дика дIайихьалга. Кхадж тоссача дийнахьа из ше а хилар ялх хоржамий даькъ тIа.
«ГIадвугаш дар да, цу дийнахьа нах йоккхача аргIах хьежаш лаьттар сов дукха болаш кхадж тасса баьхкараш. Хьалха вIалла кхадж тасса ца боагIаш хиннараш а бар укхаза йоахар наха а».
«Единая Россия» генсовета гIонча волча Перминов Сергея яхачох, кхадж тассара болх цхьаккха кхоачамбоацараш юкъе а ца дуташ дIадихьар.
Пхи шу хьалха кхадж тассара болх цхьан дийнахьа йистебоалар, хIанз из болх цхьан кIира бир. Берригаш а 50 лоткъам кхаьчар федеральни организационни комитете, иштта 100 лоткъам моттигерча комитетете а. Из да цифровой кхадж тассаро таро хилийтар берригача балха тIахьожам лоаттабе.
Хьалхадоакх, «Единая Россия» парте хьалххе а кхадж тассара болх дIабихьар 24 мае дIаболабенна 30 мае кхаччалца ерригача РФ регионашка, хIаьта 42 регионашка очно кхадж тассар. 30 мае процедураш йистеяларца ерригача Россе гIолла бола кхадж тассара болх гуш хилар парте центральни исполкоме. Госдуме болхарий спискаш Москве 19 июне Съезде чIоагIергъя.
Хоам бу «Единая Россия» — цхьаъ мара яц, берригача мехка а массане а уйла чу а лоацаш тайп-тайпарча боарам тIа харжархоша кхадж тассарга хьажжа кандидатий спискаш вIашагIйохкаш.
