Из лаьрхӀа да доалахьбарча моттигера болх дикагӀа дегӀабоалабара, бизнес дӀайолаеш болча наха цу даькъ тӀара хьал дикагӀа довзийтара, мехка из сихагӀа дегӀадоаладара.

Программа доакъашхошта хьехаш бар лакха говзал йола хьехамчаш, цар гойтар проект вӀашагӀйоллаш ха дезар, пайда хьабоалаш йола балха оагӀув мишта лаха еза, уж латрхӀар чакхдоаккхаргдола никъ мишта вӀашагӀболла беза.

Юххера а, курсаш чакхйоалаш, дешаш хиннараша кхелахошта гойтар шоашта цу даькъ тӀа карагӀдаьннар, царна мах бола хьехамаш дир дӀахо болх дика дӀабахьара.

Дукха ха яц вай цу хьалашка сатувсаш хинна, дага а дацар «Таьрахьашца дегӀаахара Академи», е «Бизнес-аскелератор» хург ма йий аьнна. Цо дӀадехараш дукха а дар, цул совгӀа профессиональни говзал йола нах кийчбе безаш а бар. Вай е из а е кхыдар а доацаш дар, бакъда Гуцаранаькъан Микаила, иштта «САФМАР» тоабо шоашта тӀаийцар из проект кхоачашъяр», - аьлар ГӀалгӀайчен кулгалхочо Келаматанаькъан Махьмуд-Ӏаьлас.

Цо иштта белгалдир, ӀТ- компани дегӀаярца республикан хьалхашка дукха таронаш хьайийлла хилар. Цо яхачох, таханарча хано дӀаехаш йола хоамий технологеш юкъе ца яьхача мохк дегӀабоагӀаш хургбац.