«Цу гӀулакха бехктокхаме болча къахьегамхоша шоай болх боаггӀача боараме дӀабахьарах, карарча хана лоамашкара наькъаш машенаш паргӀатта лела йиш йолаш да», - йоах тхогарча хоамо.

Лоам ядача юрташкарча гувнаш тӀа лоа улл, гуш да, шелал гаьна йоацилга.

Наькъий гӀулакхех йолча министерствон болхлоша бахархошка кхайкарал ду, хаоттам хувцалуча хана, боккъал а лоралуш, наькъашкара бокъонаш йовзаш хила, яхаш.