СВО доакъашхочун дехарах, Ӏоахарганаькъан цӏерах болча ураме хувцамаш деш хилар болхлой
04.09.2026 11:03
Ӏоахарганаькъан цӏи лелаеча урама хьал меттадоаладир Илдарха-Гӏалий тӏа. Тӏема операце доакъашхоша дехар дарах кхоачашдаь гӏулакх да из, иштта бахархошта дукхача хана денз ловш дар цу урама хьал меттадоаладар.
«Сердалога» шахьара администраце дийцар. 550 метр долча цу доазон тӏа турбаш хувцаш болх дӏабихьабар хьалхагӏа. Болх чакхбаьккхачул тӏехьагӏа из моттиг лерттӏа тоаяьяц, из бахьан долаш наькъа хьал телхадар.
Къаьстта тӏоадал эттача геттара хала хулар цигара гӏулакх. Шахьара ганзера хьахьожадаьча ахчах дӏабихьар болх. Кӏийле дикка шаьръяь, жагӏа тоссаш тоабир никъ. Паргӏатагӏа хургья цига лелача наха хӏанз.
