100 гали гаргга нувхаш гулйир волонтераша хин гонахьара
Почти 100 мешков мусора собрали в Ингушетии волонтеры, очищая берег водоема в городе Малгобеке. В субботнике организованном Минприроды Ингушетии и Комитетом по делам молодежи РИ приняли участие волонтеры экологических движений, юнармейцы и добровольцы, сообщили газете «Сердало» в пресс-службе Минприроды РИ.⠀
«Из экологически акци «Россе хиш» яхача, Ерригача Россе акцен юкъе чуйодаш я. Геттара раьза болаш хьаллаьца дIахьош да из дика гIулакх вай республике хIара шера. Субботник иштта хетадаь да, республика 30-шу дузача ден. МагIалбикерча пруда гонахьара йистош цIенйир акце доакъашхоша. Дикка къахьегарах, массехк сахьат далалехьа 97 гали дизза нувхаш юстараяьхар волонтераша. Иззал дукха нувхаш хин гонахьа хилара бахьан — ахкан хана цига салаIа ухача наха шоашта тIехьа уж моттигаш цIенцаяр да.
Бахархоша ютача, дукхагIча даькъе пластика юкъе йолча нувхаша доккха зе ду Iалама. Толхаю, сийна буц араяьнна латта, Дала вайна хьаенна хоза моттигаш. Ала деза, «Лораде гувнаш» яха, цу мугIарера субботник дукха ха йоацаш ДжIайрахье дIадихьалга. ГIалаш ягIача доазон гонахьенаш, Эса хин юхера моттигаш цIенъеш 100 гали гаргга нувхаш тIаеттар, Iаламах дог лазаш къахьега арабаьннараша», — хоам бу Iалама кхуврча пресс-службе.
