ХIара бетта дIахьоча, «100 сага» юкъерча, хаттарех ховш хилар, наьха общественни вахарерча хаттаршца дувзаденна хьалхара дош малагIа да. Цу тайпара гучадаьлар, республика бахархой шоаш Iана кийчо е лаьрхIа хилар. Уж я, тайп-тайпара варенеши яшайохкаш йола хIамаши.

Цул совгIа, кагийбарашта юкъе а дукха бар, цIагIа шоаш хьаде йиш йолаш дар, Iана кийчонна ца хилча даргдоацарех лоархIараш а. Масала, зехьа ахча ца доадеш, шоай кулгашца хIама яшайолла а, кхыча кхачанца Iалашо е а декхарийла ба, тахан, эттача чоалханеча хана, аьнна хеташ бар уж, цунца цхьана, цар яхачох кIезиг-дукха цIенъюкъера дIадодаш дола ахча а юхасоцаргда, из кхычахьа дIахьожаде моттиг хургья, хIаьта цIагIарча бюджета дика новкъостал а хургда.

ДукхагIча даькъе къамаьл мел даьраш хеташ бар, хIанз латташ дола маьхашцара хьал лаьгIлургда аьнна, массехк ха яьнначул тIехьагIа, маьхаш юхадаргда, таханарча дено дIадеххача боараме, из хьал, массаза цхьатарра хургдолаш.