Царна юкъера эггара доккхагӀа долча гӀулакхех да ГУП «Ингушрегионводоканал» яхача кхуврча духьала чуенна 23,1 млн сомах латта иск, иштта, «Малгобекводоканал» яхача кхуврчагара хьадоагӀа 15, 4 млн сом. Ӏан тӀехьарча шин бетта, энергетикаша ахча хьадехаш чуеннараш я, 83,1 млн латта, 175 иск.

«Шоай ханнахьа, наха хьаӀайна латта декхар хьацателаро, новкъарле ю бахархошта боаггӀача боараме свет лоаттаяра. Цунга хьежжа, из болх оаха дӀахо йодача хана кхы а чӀоагӀагӀа тӀахьожам беш дӀахьоргба. ДукхагӀа низ тӀалоаттабергбараш я болх-моттигаш. Шоашкара доагӀаш дола декхар хьацателарца, ерригача республика лоаттаеча света моттиг эшаеча наха духьала, из тайпара болх дӀабахьар нийсеи доагӀашеи да аьнна хет сона», -аьлар «Ингушэнерго» филиала кулгалдеча ГӀоандалой Ислама.

Цу гӀулакха бехктокхаме болча болхлоша, бахархошка кхайкарал ду, цу хьале дӀатӀа ма кхахьа светах ахча дӀателара гӀулакх, яхаш. Деррига дӀадаьккхача, геттара чоалхане дийрзача, хьатехача ахчал дукхагӀа хул дӀадала дезар.

Белгалде деза, декхар доаллар, из бартаца дӀадала раьза веце, юкъе боалабу суда приставаш. Федеральни кхуврчо геттара бирсдаьд, цу наха духьалара гӀулакхаш. Масала, боахама арест тӀаюлаш, банковски карташ дӀакъовлаш, Россе арахьа дӀаваха йиш йоацаш. Тахан, шийга доалла декхар дӀадала йиш я, «Онлайн Сердал» яхача оагӀон чу гӀолла.