Банка болхло йоацача зуламхочо 50 эзар сом гаргга ахча лочкъадаьд вай мехкахочунгара
30.08.2023 12:42
Банка болхло я со, аьнна, оапаш бийца, 48 эзар сом ахча лочкъадаьд цхьан зуламхочо, вай мехкахочун карта тӀара. «МВД болхлошка леткъар вай мехкахо, банка болхло я со аьннача Ирина яхача цхьан кхалсага ший ахча дихьад аьнна. Из саг шийх дӀатешаваь, хьа цӀерах кредит даккха гӀерташ нах ба хьона, аьнна, оапаш бийца, ший тийшаболх чакхбаьккхаб зуламхочо.
Цо дувцачох, тийшача вай мехкахочо ший карта тӀара номераш дӀаеннай. Цу сахьате дӀадихьад цу тӀара ахча», — йоах Ӏаьдала викалаша. Из гӀулакх тохкаш латт МВД болхлоша.
Мехкахошка кхайкарал ду, боккъал а малашб ца ховча нахага шоай карта номераш дӀа ма тела, цар дувцачунга ла ца дувгӀаш, телефон Ӏойоае! Лоралуш хила зуламхоех! Иштта хӀама шоашта нийсделча, ха ца йоаеш, Ӏаьдалга хоам бе.
