«Хьамсара мехкахой!

Тахан, дизза 252 шу доалл вай къам Россех дIакхийтта.

Из ди вайна массе хана лоархIаме долаш хьаденад! Республика хинна, чIоагIденна дIаотта, дIадаха аьттув хиннаб вай цу наькъа тIа гIолла. Ши зама хьалха, вай хьаькъал долча даьша, лаьрхIар беркате хинна дIаэттар вай къаман. Цу хана денза, шоаша хьатIаийца декхараш дизза кхоачашдеш, дуккхача дикашта юкъе белгалла болаш хьабаьхкаб вай къаман нах. Таханарча дийнахьа а, шоай декхараш деналца чакхдоахаш латт вай къаман къонахий.

Донецкеи, Луганскеи латтача тIема юкъе шоай гIулакх дIахьош ба гIалгIай майра кагий нах. Денала орден луш, вахар хаьдад царна юкъера цхьане. Иштта, кхыболча кагийча наьха Iоажал а цига хилар.

Тахан вай доаккхал де дезаш денал, сий гойташ хьабаьхкаб тхьовра денза укх къаман нах. Машара тIехьа къахьегаш, беркате дар кхолла гIерташ лаьттаб вай даьй а. Къахьегамца, доккхача дикашка кхаьчад вай! Дуккха деш латт экономика, спорт, наьха унахцIено, культура тоаяра, чIоагIъяра тIехьа. Из деррига а, доглазаш, къахьегарца мара кхоачашхулаш дац. Со дог тийша ва, дIахо йодача хана а вай къам, иштта доккхий дикаш кхоллаш, Россе чудоагIача къамашцара барт лорабеш, вIаши бувзам чIоагIбеш латтаргда аьнна.

Хьаькъал долча наьха хьалхленца, нийсача оагIорахьа къахьегарца, мел хала мара ца хиларах, хIама тоалургда. Даькъала хилда шо, хьамсара мехкахой! Маьрша а долаш, шоай вахаре дуккха дикаш а долаш дахалда шо! Вай республика хIара денна тоалуш, хозагIа хулаш латтийла!», — йоах Мехкдас.