Наьсаре ши саг вийнар лаьца чувеллав
Наьсаре тохкаш да, моттигера ши саг вийна уголовни гӏулакх. Гӏалгӏай Республике гӏолла йолча Российски Федераце тохкама комитета Наьсарен- Шахьара тохкама даькъо дӏахьош ба 37 шу даьннача маӏача сага духьала бола тохкама болх, цо зуламаш даь хиларах, яхаш, дийцар «Сердало» газетага Гӏалгӏайче гӏолла йолча Россе тохкама комитета зарбан болх лелабераша.
Белгалду, 2025-ча шера тов бетта 15-ча дийнахьа Наьсарен Базорканаькъан проспекте, машина чу вагӏаш урс дийтта, массехк чов йир моттигерча вахархочунна, из велар.
Из санна хатар хилар 2025 шера тов бетта 18-ча дийнахьа, ӏуйрийна Наьсаре Гойгова урамах долча цхьан цӏагӏа 58 шу даьнна саг коравир фоартах урс теха вийна.
Уголовни гӏулакх тохкаш, ӏаьдала болхлоша хьалаьцар цу гӏулакха бехке хила тарлуш хинна маӏа саг.
Тахан, тохкамо могадаь, Магасерча Гӏалгӏай Республикан судо из саг лацарах дола бахьан хьакхайкадир. Кастлуш цунна лаьрххӏа бола бехк барах хоам бергба. Тохкама болх дӏахохьош ба. Гӏалгӏай Республике гӏолла йола СК тохкама урхаллен кулгалхоша из гӏулакх шоай теркама кӏалха лоаттаду.
