ГIалгIайче, бIехача хиш тIа дадаш дола аьшка гомаш лочкъадаьр, 200 сахьата болх бе безаш ва
Житель города Карабулака осужден к обязательным работам за кражу металлических крышек (люков) от канализационных колодцев, сообщили газете «Сердало» в пресс-службе Прокуратуры РИ.
«Илдарха-ГIала прокуратура уголовни гIулакх хьадийллад, шу даьннача моттигерча вахархочунна духьала. Из бехке ву, РФ УК Iч 158 ст дола зулам дарах (къоал, къайлагIа наьха доалахьадар лочкъадарах)», — аьлар тIахьожам лоаттабеча боахаме.
Материал тохкаш дIабихьача балхах, судо оттадир цу саго, 2022 шера тушоли бетта ялхлагIча дийнахьа, Илдарха-ГIала Градусова урамах, машенаца тIехвоалаш, шийна цунах пайда баккхара, бIехача хина кIоага тIа уллаш бола биъ аьшка гом лочкъабаьб.
Цу тайпара цо даь зе, 11600 сома маьха да.
Уж ший машена багажника чу дIа а лочкъадаь, цул тIехьагIа, кхыча моттиге дIа а ваха, шийна болча пайдана уж дехкад цо.
«Республика Мировой суда, № 20 йолча даькъа тIарча, судахочо, цунна бехк бир цо даьча зуламах, из ше даь зе юха такхарал совгIа, 200 сахьата мах боацаш бола болх бе безаш ва», — аьлар ГIалгIай Республика Прокуратура пресс-служба.
