«Кхетаче дӀахьош оаха дийцар, из зулам доаржадерашта духьала уголовни гӀулакх хьаделлаш хиларах. Къаьстта белгалдир, терроризма, экстремизма юкъеухараш дукхагӀа кхувшбоагӀараш хилар. Къайладихьа хӀама доацаш, кагирхошца уж дешаш дийцар, царна экстремизмаца дувзаденнача гонахьарча хьала духьалъотта ховргдолаш», - йоах хоамо. Кхетаче йистейоалаш, студенташа лаьрхӀар терроризма, экстремизма берригаш а духьалъотта безилга. Цар дика кхетаду, таханарча, кхоанарча халкъа вахара из Ӏаткъаш долга. Студенташа лаьрхӀар, массавар а: бокъонаш лораяра йола органаш, юкъара болх бу организацеш цхьана айхха бувзам лелабеш хилча мара, цу зулама духьалъотта вӀаштӀехьадаргдоацилга, кхераме гӀулакхаш юкъера дӀа а даьха, кагирхошта дика дегӀабахкара дола хьалаш кхолла йиш хургья тӀаккха. «Цу тайпара болх дӀабахьар лоархӀаме да, кагирхошта юкъера зулам юхатохара. Из лоархӀаме да машар лорабара, кхерамзлен Ӏалашо яра, кортамукъале хилийтара. Кагирхой вай кхоане я, уж дийша хиларах тийша да къаман, халкъа кхерамзле хилар», - аьлар бокъонаш лораераша.