Интернете гӏолла тийшаболх лелабаь зуламхо гучаваьккхар Магӏалбикерча полице
Интернете гӏолла тийшаболх лелабеш, нах ӏехабеш ваьгӏа саг гучавоаккхаш болх дӏабихьар «Магӏалбик» яхача Россе МВД оагӏон болхлоша. Интренете гӏолла телефон йохкаш ва со, аьнна, дӏайихьа хиннай цо ший «бӏеха» базар.
Магӏалбикера МВД болхлой болча латкъа венача вахархочо дийцачох, «Айфон XS» телефон йохкаш хоам байнаб цун интернета оагӏонца. Ахча дӏакхоаччашехь телефон хьаяйтаргья, аьнна, шийга даьча къамаьлах тийша, деррига ахча дӏатӏатессад цо малав ца ховча сага. Бакъда ахча каракхаьча зуламхо, кхы бувзаме ца воалаш, вайна дӏаваьннав. Е ахча а е телефон а йоацаш висав из», - дийцар «Сердалога» МВД болхлоша.
РФ УК 1-ча даькъа 159 ст. (тийшаболх бар) цу сага духьала гӏулакх хьадийлла, шоай болх дӏаболабаьб ӏаьдало. Йоккха юкъ ялале зуламхо гучаваккха аьттув баьннаб цар. Полице болхлоша ше ӏочувигачул тӏехьагӏа, бехк дӏатӏаэцаш, дари даьд наьха ахчах вӏаьхий хила ваьллачо.
