ГIалгIайчен полицейскеш цхьацца йолча юрташка корта бохабу малар менна машен лоаллаш хилар юхатехар
Полицейские Ингушетии в ходе выполнения служебных действий пресекли вождение в состоянии опьянения в ряде населенных пунктов региона, сообщили газете «Сердало» в пресс-службе МВД по РИ.
Говзанчаша белгалду, из унзара гIулакх гучадоаккхаш бола болх ГIалгIайчен полице болхлоша дIахьош хилар, цул совгIа ди тIехьагIа из дукхагIа а, дIахьош хилар а, уж гIулакхаш гучадоахаш юхатохаш хилар а.
ХIара юхасоцаваь корта бохабу малар менна, е наркотикаш эза вола машена водитель, из цхьаькха а кIалхьардаьккха бехкбоацача наьха вахар да.
Цу тайпара, Назрановски районе гIолла йолча Россе ОМВД ОГИБДД ДПС инспектораша Пхьилекъонгий Юрта Оскананаькъан улицах «Форд Фокус» автомашина соцайир, цунна водитела ше менна хилара дола тешал де тиганзар.
Полицес белгалдир, из саг хьалхагIа иштта уголовни бехктокхаме оттаваь хилар, цу тайпара кхоачамбоацараш цунгара гучадаларах, цо иштта закон телхадаь хиларах. Бокъонашлораераша, цу криминальни гIулакха йоагIаш йола протокол оттайир.
Иштта, «Сунженский» Россе МВД МО болхлоша Шолжа пхье соцайир «ВАЗ-21099» автомобиль, Дружбаеи, Фестивальниеи оалаш йола урамаш вIашагIкхеттача. Корта бохабу малар менна вий хара дола тешалде тугаш хиланзар из а.
Цул совгIа чухьежачул тIехьагIа цунгара корайир 21,48 грамм марихуана. Укхаза а административни протоколаш оттайир цу наха духьала. Уж шаккъе а лаьрххIача моттиге чубехкар. Автомашина штрафстоянке латт.
Из доацаш а МагIалбика районе «Малгобекский» Россе МВД МО ОГИБДД ДПС бокъонашлораераша юхасоцайир «Назрань-МагIалбик-Н-Курп» наькъа тIа 54 км йолча «Лада Приора», водитель бIаргагуш наркотикаш эза волга кхетадеш да, бакъда, лорий тешал дара из раьза хиланзар.
Цул тIехьагIа белгалдаьлар из саг хьалхагIа административни бехктокхаме оттаваь хинналга. Транспорт хьа а яьккха гIод тохара йолча моттиге дIаоттаяьй.
