ГIалгIайчен полицейскеша, Назранеи Магасеи дIайихьача, ученешка дакъа лаьцар
Полицейские Ингушетии приняли участие в пожарно-тактических учениях, которые прошли в Назрани и Магасе, информировали газету «Сердало» в пресс-службе МВД по РИ.
Цу тайпара, ОРЧ ГЗ, Магас-пхье гIолла йолча, Россе МВД болхлоша дакъа лаьцар пожарно-тактически ученешка, уж дIайихьар дукха гулденна адам а долаш объекташка.
Профессиональни кийчо дIахьоча юкъа, бокъонаш лораеча органий болхлоша цIи йоаяра, нах кIалхарбахара болча хоамах дика толамаш даьхар, кхыча службай болхлошца, викалашца, гуш хилар цар цхьана дIабихьача балхах, уж мишта кийча ба хатар юстардаккхара.
ЦIи ялара кхерам болаш йола объект теркаме а эцаш, сихонца нийсденна чоалхане хьал тоадеш бола болх дIабахьара, уж дика Iомабаь хилар а цар ка йоалаш хилар а белгалдаьлар.
Геттара чIоагIа терко тIаяхийтар СПИ-20,СПИ-50 самоспасателаш лелае ховш хилара, цар новкъосталца Iалашъе е йиш хул цIи ялара кхерамзленна, нах а тешшамеча моттиге кIалхара баха.
ЦIаьхха чоалхане хьал этта моттиг нийслой, де дезар белгалдеш дIайихьача ученешка, шоашта хьалхашка оттадаь декхар дизза кхоачашдир доакъашхоша.
ГIалгIай Республике гIолла йолча МВД УОТО цIи ялара кхерамзлен группа инспектора, Гадаборшанаькъан Т. С. белгалдир: ученеш дика дIайихьа хилар, цига говзал йолаш доакъашхой хинналга, цIаьхха чоалхане хьал этта, цIи йоае езаш моттиг нийслой, цар шеко йоацаш шоашта хьалхашка латта декхар кхоачашдергдолга.
