Моттигерча полицес соцсетешка а кхыйолча хоамий моттигашка гIолла а ладувгI цу лазара духьалара прививкаш еш хилара гIулакх миштад хьожаш. Бокъонах доацаш из яьча кулгалхошта а, иштта, бахача наха а духьала уголовни гIулакх хьаделларгда, нагахьа санна, бокъонаш телхаяь моттиг хуле.

Бокъонах доацаш каьхаташ, грамоташ, паччахьалкхен совгIаташ, штампаш, печатеш е бланкаш яьхарашта духьала РФ УК 327 статья.

Тийшача балхах Вакцинаци яьй аьнна, сертификат даьккхача сага шин шерага кхоачаш набахтен ха тохаргъя, хIаьта из сертификат ийцачунна, е лорадечунна цхьа шу ха тохаргъя. Цул совгIа белгалде деза цу тайпара доаккхаш долча сертификата тIагIолла наха тийша болх хила йиш йолга а.

Тийшача балхах из справка енна, цул тIехьагIа цамогаш хиннача, лазар дIа-юха доаржадаьр бехктокхаме озаргва, цо наха зе дарга хьежжа (доккха гIод тохаргда, е кхыдола балхаш де дезаш хургва), нагахьа санна бахьана из а долаш (COVID-19) лазарах саг венна хуле, пхе шерага кхаччалца набахтен ха тохаргъя.