Мефедрони, прегабалини, тропикамиди яьккхар полице болхлоша вай мехкара
05.12.2023 10:13
МагIалбика кхалера мефедрон, прегабалин, тропикамид яха наркотикаш яьхар. Из хоам «Сердало» газетага бу Iаьдала болхлоша.
«Шоай болх дIахьош латтача МВД болхлоша соцайир номераш йоацаш йода «ВАЗ-2114» яха машен «Маяк-12» яхача посте. Соцаваьча вахархочунгара хьаяьккхар 0,34 грамм мефедрон, прегабалин яхача наркотика 28 капсул, йиъ шушинг 32,37 грамм йола тропикамид», - йоах тхогарча хоамо.
Цу гIулакха болча болхлоша яхачох, наркотикаш тIехьарча хана чIоагIа яржаш латт вай мехка. Цунна духьала боккха болх дIакхухьаш ба Iаьдала болхлой. МВД болхлошта духьале яь цу дохьажа да Iочувигав.
