Интернете гӏолла оапаш бийца, вахархочун ахча дихьар лохаш да ӏаьдал
27.04.2026 10:23
Интернете гӏолла саг тувлавеш харцо йийца, ахча лочкъадаь зуламхо лохаш ба ӏаьдала болхлой. Из хоам «Сердалога» бир МВД.
«Наьсарерча Россе ОМВД болхлой болча латкъа венача сага дийцачох, интренете гӏолла бувзаме ваьнна, цхьа болх хулийтаргба ше, аьнна, из ӏехаваь; малав ца ховча зуламхочо ахча лочкъадаьд цун. 23 эзар 700 сом ахча укхо дӏатӏатессачул тӏехьагӏа, вож вайна дӏаваьннав, бувзам хоадабаь», - йоах тхога бенача хоамо. Гӏулакх хьадийлла зуламхо лохаш ба МВД.
Бахархошка даггара кхайкарал деш латт МВД болхлоша, боккъал а шоашта ца бовзача нахаца бувзаме дувлаш ахча дӏа ма кхахьийта, яхаш! Интернете тахан зуламхой дукха ба, ӏехабе нах лехаш, бовзаш боацарашца цхьаккха тайпара базар ма лелае!
