220 эзар сом лочкъадаь зуламхо лохаш ба полице болхлой
09.01.2024 09:34
Вай мехкарча яхархочунгара, из Iехаяь, 220 эзар сом лочкъадаь зуламхо лохаш ба полице болхлой. Из хоам «Сердало» газетага бу МВД викалаша.
«Наьсарерча МВД латкъа енача кхалсага дийцачох, банкера болхло ва со, хьа карта тIа ахчан баллаш хьаIайнилгах хоам бе воал со, аьнна, из Iехаяь, цун цIерах кредит даьккха, 220 эзар совгIа ахча дихьад зуламхочо цун карта тIара», - белгалду МВД болхлоша.
Зуламхо лохаш ба Iаьдала болхлой. Бахархошка массехказа санна кхайкарал ду, боккъал а малашб ца ховча нахаца бувзаме ма дувла, шоай карта номераш, шоай цIи дIа ма ювца!
Фийла хила! ХIаьта, тийшаболх шоашта бича, ма хулла сихагIа Iаьдала болхлошта тIагIо!
