Смоленскера вай мехка викал цига эскаре амал деча мехкахошца вӏашагӏкхийтар
Смоленскера массазара Гӏалгӏайчен викал Йовлой Хьусен вахар моттигерча цхьан тӏема даькъ тӏа, цига эскаре болча вай мехкахой хьал довзара. Цунца цхьана цу тӏема даькъ тӏа хилар Смоленска, бусалба дина юкъарлон кулгалхо имам-хатиб Султанов Ринат. Хьаьший тӏаийцар тӏема даькъ тӏарча командира, майора Болкунов Максима. Цо царна гойтар цу даькъ тӏара амал дара хьал, бӏухой вахар, даара, салаӏара моттиг, яхаш, хоам бу «Сердало» газетага Москверча Гӏалгӏайчен постпредстве.
«Йовлой Хьусена кхетаче хилар Гӏалгӏайчера эскаре амал де бахарашца, цо дийцар амал дара хьалех, хьалхашка нийслуш долча хаттарех лаьца. Имама Султанов Рината хьалхадаьккхар салташта, дин лерхӏам боабе йиш йоацилга, шоаш тӏема гӏулакх дӏахьош дикадар леладара тӏакхувш хила безилга», - аьлар тхога хоам баьчо.
Гӏалгӏайчен массазарча викало баркал аьлар вай бӏухошца лерхӏам болаш хиларах. Цо белгалдир, каст-каста викалаш тӏема даькъ тӏа болхаш хилар лоархӏаме долга. Цо таро лу тӏема хьал дика дий ха, мехкахоша дӏахьоча амала хьалашта тӏахьожам лоаттабе таро лу, мехка викалашта, тӏема даькъ тӏа керттера болх лелаберашта юкъера бувзам чӏоагӏбу.
Из кхетаче дӏахьош оагӏонаша дийцар дӏахо а цу тайпара кхетаченаш дӏаяхьарах. Керттера терко тӏайохийтаргья амал дӏахьоча моттигашка эхь-эздела, психологически хьал дика лоаттадара.
