Миграционни гӏулакха болхлой ӏехабе гӏийрта Наьсарера кхалсаг суде кхаьчар
Наьсарера 41 шу даьнна моттигера яхархо суда хьалхашка оттаргья, кхыча мехкара енача кхалсага дӏаязъярах. Цунна бехк беш дола уголовни гӏулакх хьадийллад шахьара прокуратуре.
«Лоткъамо яхачох, дӏадахача шера, Российски Федераце ӏеш бола кхыча мехкара нах дӏаязбара йолча Наьсарен шахьаре гӏолла йолча Россе ОМВД миграце даькъ тӏа йолаш, цу кхалсага, кхыча мехкара ена кхалсаг ший цӏагӏа массахана яхаш я аьнна, каьхат даьккхар. Цун дика ховш дар, из цу адресах яхаш йоацилга е хургйоацилга», - аьлар «Сердало» газетага Гӏалгӏайчен тӏахьожама болхлоша.
Бокъонах доацаш, из дӏаязъяр бахьан долаш, Наьсарен-Шахьаре гӏолла йолча Россе ОМВД миграце дешаех долча даькъа, кхыча тӏахьожама моттигий таро хиланзар доазол арахьара енача кхалсага тӏехьахьажа, иштта мехка гӏолла из лелаш йола моттиг мичахьа я ха. Прокурора бехк беш дола из гӏулакх суде дӏадахьийтад дӏахо тахка.
