«Российски Федераце Керттерча прокурора Краснов Игора тIадиллача декхарах, СКФО, ЮФО Генеральни прокуратура Керттерча урхаллено лаьрхIар ГIалгIай Республикан Яндарерча «Кердача» микрорайоне бахача наьха лоткъамга хьажа. Уж лоткъамаш язду дикка ха яр, цига хьалйолаяь ишкол дукха гоаеш хилар бахьан долаш.

Белгалде деза, оттаяь контракт кхоачашъе езача гIишлонхоша, тIаийца декхар кхоачаш ца деш, ишкол хьалъяь ца йоаккхаш, дукха ха юкъейолийта хилар. Уж балхаш даь дала дезаш дар 2020 шера оагIой бетта (декабрь) 20-ча дийнахьа. Цул тIехьагIа из цкъа тIехьаяьккха Iанзар, тIеххьара йилла ха яр 2022 шера тов беттага (сентябрь) кхоачаш. Иштта цига дувцаш дар дешара кхаь организаце кулгалхоша, шоаш бераш дIа-юха кхувларгда, аьнна, денна дош кхоачашдеш цахилар. Цу тайпара, зIамигача берий бокъонаш телхаеш, моттиг нийсъелар.

Из гIулакх прокуратуро техкачул тIехьагIа, из дешара моттиг хьалъяь, а яьлар, цига бераш деша, а дахар. Иштта цига хьехаш бола хьехархой шоай балха декхараш кхоачашде болабелар, ишколе бераш хьа, а кхувл.
Цу хьакъехьа дисциплинарни бехктокхаме эзав кхо саг.