«МВД латкъа венача маIача сага дийцачох, оапаш бийцача зуламхоша из саг дIатешаваь, интернета бувзаме гIолла къамаьл деш, 500 эзар сом ахча дихьад цу сагагара», - белгалдир МВД. Зуламхой лаха оарцагIбаьнна, къахьегаш ба полице болхлой. Из тайпара хIама каст-каста нийслуш да тIехьарча хана. МВД болхлоша массаза санна кхайкарал ду бахархошка, боккъал а ма Iехадайта шоаш, малашб ца ховча зуламхошка! Бовзаш боацача нахаца бувзаме ма дувла, шоай карта тIара ахчаш дIатIа ма ахийта цар аьннача, карта номераш дIа ма ювца!