Машин лочкъаяьр, цхьан шера ах шера болх бергболаш, бехктокхаме эзав
22.01.2024 09:45
Наьха машин лочкъаяьча Галашкарча вахархочоа, цхьан шераи ах шераи Ӏаьдала болх бе безаш, гӀод техар. Из хоам тха «Сердало» газетага бир Ӏаьдала болхлоша.
«Шолжа кхалерча судо гучадаьккхар, 2020-ча шера ахкан хана, Шолжа-Шахьерара саг шийх тешаваь, оапаш бийца, «БМВ 525» яха машин цо йига хилар. Цул совгӀа, машина тӀалатташ хинна гӀод дӀатакха, машина даьгара 14 эзар сом ахча дӀадихьад цо.
Ший тийшаболх чакхбоаккхаш, гӀод дӀа ца токхаш, ше хьаийца из машин кхыча сагага юхаехкай цо. 247 эзар сом зе даьд цо машина даьна. Ше Ӏехаваьлга хайнача вахархочо, зуламхо суде дӀачувеннав.
Машина даьна ахча юхаденнад тийшаболх кхостабаьчо, цул совгӀа, цхьан шераи ах шераи Ӏаьдала болх бе бехктокхаме а эзав из.
