Ахча лочкъадаь зуламхо хьалаьцар
28.08.2023 10:47
Вай мехкахочунгара тийшача белхах 144 эзар 940 сом ахча лочкъадаь зуламхо Челябинскера хьалаьцар МВД болхлоша. «Наьха ахча лочкъадарах федеральни оагӀоно лохаш хинна зуламхо вай мехка Ӏовоалавир.
Блокчейн-система яхача хӀамангеи «ВӀnance» яхача ахча хувцача мотигагеи гӀолла, цхьа тийшаболх вӀашагӀбелла, вай республикерча вахархочунгара ахча дихьад, атта даьккха рузкъа дуаш, паргӀатта лела ваьллачо», — белгалдир полице болхлоша.
Цун гӀулакх судо дика тохкаш латт. Ӏаьдало законах боаггӀаш бола бехк бергба цунна. Цо мукӀарал даьд, шийна карагӀдаьннача зулама. Из чувеллав ханна йолча набахта.
