Назрановски района кулгалхочо МутаIаланаькъан Мусас кулгал а деш, совещане дакъалоацаш хилар: юртий администрацен кулгалхой, мах беш йолча моттигий кулгалхой, шоай доалахьа тикаш йола нах, иштта ГIалгIай Республике гIолла йолча, Россе УФАС кулагалхочун гIонча Йовлой Рамзан.

Буаш бола кхача маьхалбоаккхача предпринимателаша, иштта оптови базашка мах бераша каьхат а яздаь, декхар шоашта тIаийцар, товар хьаэцача хана дIаденначул совгIа, 10 процент мара кхы мах тIатохаргбац, аьнна. Хоам бу, укх тIехьарча хана, доккхий гIулакхаш леладеча предпринимателаша, цу тайпарча 25 каьхата кулг яздаь хиларах. Из каьхат, села бетта 10-ча денга кхаччалца, болх беш хургда.

Назрановски района чудоагIача даькъа тIа болх беш болча, мах беш йола моттигаш лелаеш болча наха, маьхаш тIа ца тохарца эцархошта новкъостал дергда.
Района администраце яхачох, тикашкара хьал довзаш, маьхаш тIа ца тохийташ, хьожаш, лаьрххIа йола комиссеш я.

Эксперташа оттабеча маьхага хьежача, цу тайпара, наха болча пайдана лаьрхIа из хаттар кхоачашдир, бизнес лелаерашеи района Iаьдалои шоайла барт а баь. Из социальни лоархIаме дола хаттар кхоачашдар, цу тайпара эттача халача хьалашка хьежжа, уж, шоай таро йолчча бесса, наха накъабаха кийча хилар дар.