Шолжерча шоай хӀама леладерашта дувцаргда, паччахьалкхено дергдолча новкъосталах
Тахан Шолже х1ама хьадеш болча наьха кхетаче дӀахьоргья, цига бокъонаш лораяра волча викала дувцаргда цу тайпарча къахьегамца бувзабеннача нахá лаьрхӀа йолча бокъонех; зӀамига, юкъера бизнес дӀахьош бола нах Ӏаьдало хьаллоацаргхиларах. Цу кхетаче цар таро хургья дикагӀа шоай бокъонаш йовза, шоай доалахьара хӀама дегӀадоаладара шоай малагӀа аьттув ба.
«Шолжерча культуран цӀагӀа 11 сахьат даьлча кхетаче дӀайолалургья, цига дакъа оацаш хургба Шолжа-Шахьара администраце кулгалхо Ӏумаранаькъан Аслан, цун гӀонча Заьзганаькъан Муса. Уж кийча ба шахьара администраце экономика, финансай отдела говзанчашца цхьана, гулбеннарий хаттарашта жоп дала», - аьлар «Сердало» газетага из кхетаче вӀашагӀъеллараша.
Из болх дӀахьош хилара бахьан да, Шолжа-Шахьара предпринимателашта новкъостал дар, паччахьалкхен оагӀорахьара шоашта малагӀа таронаш хургья царна дӀадовзийтар. Вай мохк экономически дегӀабоалабара, зӀамига, юкъера къахьегама гӀулакх хьаллацар керттера декхар да.
