Республика массадолча даькъа тIа, нах дIа-юха бигара йола транспорт, лерттIа хилар а, из болх боагIача боараме хьабеш хилар а даима хиннад хьалхарча аргIах латтача декхарех цаI.

Цу гIулакха, керттерча предприятена, лерттIа кийчбаь, цу профессех бола болхлой беза.

«Ингушавтотранс» паччахьалкхен унитарни предприяте, тахан, цу балха тIехьа ваканси хьайиллай», — аьлар Назранерча нах балха оттабара йолча Центре.

Региона бахархошка кхайкарал ду, «D» категорех кхо шу стаж йола, болхлой эшаш хиларах. Иштта, Автотранспорта ГУПо бех — пхи слесарь, пхи автомеханик, пхи автоэлектрик, кхоъ шиномонтажник, иштта, газосварщикаш.

Говзанчаша яхачох, ший рейсагIа автотранспорт дIаяха йиш йоацаш юс, технически хьакъе еха хиларах, е цунна хьалхара сихха дIаяхийта кхыйола транспорт ца хиларах.

Цудухьа, уж санна дола кхоачамбоацараш нийслургдоацаш, автотранспорта эшаш ба, шоай балхаца бехктокхаме а болаш, дика кхеташ бола говзанчаш.