ГӀалгӀайчен Лакхехьарча суда кулгалхо ваха хилар, мехка къаман библиотеке
ГӀалгӀайчен Янданаькъан Жамалда цӀерагӀа къаман библиотека, республикан Лакхехьарча суда кулгалхо ГӀазданаькъан Ӏийса керте а волаш, беза хьаьший тӀаэцаш хилар. Хьаьший хьежар бокъонаш лораярца дувзаденнача хоамий Гойтама центра балхага, иштта керттерча библиотекан кхыча балхашка.
«Къаман библиотекан кулгалхочо ГӀазданаькъан Радимас хьаьшашта довзийтар укх тӀехьарча хана шоашта карагӀдаьннараш, дӀахойодача хана де лерхӀараш, библиотеканна хьалхашка латта керда декхараш, иштта гойтар «ТӀакхача таро йола моттиг» яха Центр, из я бӀарга хӀама гуш боацача наха накъайоалаш, дӀахо йовзийтар «ГӀалгӀайчен культура -3D кепе» яха цу Центра проект», - аьлар «Сердало» газетага ГӀалгӀайчен къаман библиотекан зарбан болх лелабераша.
Шоаш къамаьл деш, хьаьшаша белгалдир, хьал а лаьцар, ГӀалгӀайчен Лакхехьарча судо цу библиотеке ГӀалгӀай паччахьалкхен 100 шу дузаш хилара хетадаь «герга истол» дӀадахьар.
Белгалду, карарча шера ГӀалгӀайчен судо ший болх дӀаболабаь 30 шу дузаш хилар, цо таро хулийт цхьана проекташ дӀахьош, уж кхоачашъеш хила, балха юкъе кердадараш доаладе.
