Белгородерча ГӀалгӀайчен массазарча викалга гӀолла, новкъостал дир СВО доакъашхошта
14.04.2025 15:11
Вай мехкадас Келаматанаькъан Махьмуд-Ӏаьлас тӀадилла, Россе тайп-тайпарча моттигашкара ГӀалгӀайчен массазара викалаш тӀема бӀухошта гӀо лоаттадеш ба.
Белгородерча викала Хамхой Мухьмада, «ЦаӀ йола Росси» яхача парте товараш лоаттадеча оагӀонга хьожаш волча Круппа Сергейца, тӀемхошта хӀамаш яхьийтар.
Бензогенератораш, тӀема аренашка эшаш дола сеткаш, хий, ханахьа талхаш боаца кхача, иштта кхыйола хӀамаш яр яьшкашка.
«Белгородцашца цхьана болх дӀахьош, тӀема бухой биц ца беш, царна эггара чӀоагӀагӀа эшаш йола хӀамаш йохьийташ да тхо», - белгалдир Хамхой Мухьмада.
