«ГосСтарт» яхача кхетаче дакъа лоацаш ва мехкарча кагирхой гӏулакхех йолча Комитета болхло
Новгород яхача шахьаре дӏахьош я «ГосСтарт» яха паччахьалкхен, муниципальни къонача болхлой Ерригача Россе кхетаче. Россе 82 моттигера 1000 совгӏа къона болхло вар цига гулвенна. Хӏаьта вай мехкара цига хьожаваь ва кагирхой гӏулакхех йолча Комитета кагирхой политиках болча оагӏон хьалха латта Беканаькъан Рахьим. Цига дакъа лоацарашка къамаьл дир Россе Президента Путин Владимира.
Паччахьалкхен кулгалхочо белгалдир, кхетачен дукха хӏама чулаьца йолча программага гӏолла лоархӏамедараш дашха аьттув хилар, иштта боккхача мехка моттигий хьал тоадара тӏехьа кердадараш, таханара технологеш юкъелоацаш къахьега йиш хиларах. Россе Президента ший къамаьла юкъе теркалдир, мехка шахьарий, юртий хьал бахархошца массахана бувзам лоаттабеш, меттадоаладеш хилар керттерчарех долга.
Лаьрхӏа кийчъяь дешарцара, балхацара программа я кхетачен доакъашхошта йовзийташ. Федеральни моттигий кулгалхошца кхетаченаш дӏакхухьаш, «Паччахьалкхено болх бала тӏабехар» яхача пленарни сессена юкъе дакъа лоацаш, тайп-тайпара оагӏонаш чулоацаш йола проекташ вӏашагӏйохкаш хургба цига. Къонача болхлой аьттув хургба Нижегородски цхьацца хӏама хьадеш йола моттигаш йовза, иштта СВО доакъашхошта хӏамаш кийчъеча дакъа лоацаргда цар.
«ГосСтарта» балхацара керттера декхараш паччахьалкхен, муниципальни моттигашка хьалхалатташ болча къонабарий болх дикагӏа тоабарца дувзаденна да.
